بسم الله الرحمن الرحيم
السلام عليكم ورحمة الله وبركاته
اليوم جايه لكم وعندي شعر خطيييييييييييييييييييييييير..
اقراوه واثبتو بانفسكم..
السفينــــــــــــة
ضاقت وساع الفيافي والوعد متن السفينه
للطريق اللي دعاني بعد امان الله وامانه
لااتناديني وصوني قلبك الله لايهينه
لا يراهن في رجوعي لاجل مايخسر رهانه
ليه ماارحل عن غرامك بعد ماذقت الغبينه
اذكري لي شي واحد يستحق اقعد عشانه
قلب ماحن لوصالي ماني باجة حنينه
واشهد انه مايعزر بالرفيع الا هوانه
الهوى الغدار حد الله مابيني وبينه
والرجل لاخير فيه ان مافظ قدره وصانه
واحد مثلي اليا من حدته عوجا سنينه
ماشكى لاقرب ابن ىدم لوهو أغلى من اخوانه
يوم قلبي ماعصاك وماقدرتي تذبحينه
ليه خنتي فيه وانتي معه من نفس الديانه
كان ذبحي بيدك ارحم لي من اللي تفعلينه
وان طلبتك تذبحيني ماذبحتيني لعانه
كل جرح من جروي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه
والا ماكنت ابيها توصل لحد الاهانه
قلت من باب الميانه صاحبك وتعذبينه
لعنبوك ارخي معاي شوي ماصارت ميانه
طعت عقلك يوم قيل عن العقل بالبنت زينه
لكن الشرهه علي اللي كنت أحسب إنك تكانه
من بعد ماكنتي انتي في حشاي أغلى سجينه
با اوعدك با اطلق سراحك واتهمني بالادانه
وين راي؟ لاي درب مايرجع للمدينه
ليه رايح؟ لان قلبك ماترك قلبي وشانه
كيف ابا انسى ربي اللي ملهم القلب السكينه
مثل ماعانه بقربك لا نوى فرقاك عانه
كان قاسي يجرح أطراف السكاكين السنينه
مايطيح وبنت مثلك حبها هزت كيانه
والا انا خابر خفوقي مايمد الا الثمينه
وإن بغى يغيض الثريا قعد القمره وزانه
مزل لاجلك هنوف رجت عقول رزينه
وان تهادت بالطريق الجرهدي تزهر جنانه
جادل كن الجمال قبلها كتف يدينه
والقمر لو شاورت له ينزح وتقعد مكانه
كانت أول من تحكم في فروع الياسمينه
وان تعدتهن تثنن خيزرانه خيزرانه
بعتها لاجلك وصارت لاصغر أطرافك رهينه
والا هي لفتة هدبها تغمزك ثقل ورزانه
والخفوق اللي تغذى من معزة والدينه
مشكلته إنه تعلق في زمن ماهو زمانه
كل مازادت جراحه واكتشف غلطة ضنينه
صدقيه أن قال مابه شخص يستاهل حنانه
يوم نادى يافلانه مارضيتي تسمعينه
لين صوت يافلانه...يافلانه... يافلانه
××××××××××××××××××××××××××××××××××××××××××××××××××
ردودكم يا حلوين..
ويلا الحين مع السلامه.
موضوع: السفينــــــــــــة 